Fərdi Qəza Sığortası

"Azərsığorta" korporativ müştərilərə Fərdi qəza sığortası növü üzrə korporativ fərdi qəza məhsulunu təklif edir. 

Sığorta olunan aşağıda qeyd olunan risklər nəticəsində müqavilədə müəyyən edilən məbləğdə, həmçinin sığorta olunanın əlavə xərclərinin əvəzinin tam və ya qismən ödənilməsi miqdarında sığorta ödənişinin həyata keçirilməsini nəzərdə sığorta növüdür.

Sığorta riskləri aşağıdakılardır:

• Bədbəxt hadisə nəticəsində ölüm;
• Bədbəxt hadisə nəticəsində əmək qabiliyyətinin daimi olaraq tam və ya qismi itirilməsi;
• Bədbəxt hadisə nəticəsində əmək qabiliyyətinin müvəqqəti itirilməsi;

Sığorta haqqı sığortalının yaşından, peşəsindən asılı olaraq sığorta məbləğinə 0.2 % - 2.00 % aralığında tarif tətbiq olunmaqla hesablanır.

Xüsusi hallarda tarif təyin olunmuş aralıqdan az və ya çox ola bilər.

Sığorta müqaviləsində başqa hal nəzərdə tutulmamışdırsa sığorta müqaviləsi 12 ay müddətinə bağlanılır.

Müqavilə üzrə sığortalının yaşı 16-dan az və ya 65-dən çox olmamalıdır. Xüsusi hallarda sığortalının yaşı üzrə fərdi yanaşma edilə bilər.

Sığorta məhsulunu əldə etmək üçün "Azərsığorta"nın xidmət şəbəkələrinə yaxınlaşa və ya *1200 nömrəsinə zəng edərək müraciət edə bilərsiz.