1958-ci ildə Bakı şəhərində anadan olub. 1975-ci ildə Azərbaycan Xalq Təsərrüfatı İnstitutunun Maliyyə-kredit fakültəsinə daxil olub, 1979-cu ildə təhsilini bitirib. Elə həmin il dövlət təyinatı ilə Azərbaycan Respublikası Maliyyə Nazirliyinə göndərilib.
Təyinatla Maliyyə Nazirliyi nəzdində Azərbaycan Respublikası Dövlət Sığorta Baş müfəttişliyində sığorta məlumatlarının avtomatlaşdırılması şöbəsinə mütəxəssis vəzifəsinə təyin edilib. 1981-ci ildən Baş idarənin mühasibatlıq şöbəsində aparıcı mütəxəssis kimi çalışmışdır. 1986-cı ildən həmin şöbədə baş mühasibin müavini, 1995-ci ildən Azərbaycan Respublikası Dövlət Sığorta Kommersiya Şirkətinin baş mühasibi vəzifəsinə təyin edilmişdir, həmin ildən də şirkətin İdarə Heyətinin üzvü olmuşdur. Bu günə qədər də Azərbaycan Respublikası Dövlət Sığorta Kommersiya Şirkətinin Maliyyə Menecmenti departamenti direktoru vəzifəsində çalışır.
