Türkiyə Respublikasının "UGAY" Hüquq Bürosunun üzvləri Azərbaycan sığorta bazarı ilə tanış olmaq məqsədilə daima yeniliklər üzərində çalışan "Azərsığorta" şirkətini ziyarət etmişlər. Görüş zamanı “Azərsığorta" şirkətinin İdarə Heyəti sədrinin müşaviri, ASA-nın ekspert qrupunun üzvü Ceyhun Qurbanlı və "UGAY" şirkətinin nümayəndələri qismində Emre Ula və Yalçın Yurttaş bir sıra müzakirələr aparmış, hər iki ölkə arasındakı sığorta bazarının inkişaf dinamikasından danışmışdır.
"UGAY" Hüquq Bürosu yerli və xarici müştərilərinə Sığorta və Kompensasiya Hüququ, Cinayət Hüququ, Ticarət Hüququ, Sağlamlıq Hüququ və Əmək Hüququ kimi bir çox sahədə xidmət göstərir.
Qeyd edək ki, 30 ildən çoxdur ki, fəaliyyət göstərən "UGAY" Şirkətin səhmdarlarından biri, Emre Ula uzun illər "AXA" sığorta şirkətinin Türkiyə ofisində çalışmışdır.
